[dropcap]О[/dropcap]ктябрьданул 4-нний ДР-лул Халкьуннал Мажлисрал Председатель Хизри Шихсаидов гьуртту хьунни «2020 шинайнсса ва пландалий ккаккан дурсса 2021
ва 2022 шиннардийнсса федерал бюджетрал проектрайсса ккаккиярттал хIакъираву» тIисса парламентирттал батIаврий.
Дагъусттаннал чулуха муний гьуртту хьунни мукунма ДР-лул Халкьуннал Мажлисрал бюджетрал, финансирттал ва налогирттал комитетрал председатель Сайпуллагь Исакьов ва ДР-лул финансирттал министр Юнус Сяъдуев.
Бюджет ххал бивгьунни АьФ-лул ФС-лул Федерациялул Советрал Председатель Валентина Матвиенкол каялувшиврий.
Мунил тIимунийну, бюджетрал харжлугъру цIуллушиву дуруччаврингу, демографиялунгу, экологиялул программарттангу, харжру, пенсияртту, напакьартту лахъ бувангу, тамансса ххи даврил бусласиссар ялун нанисса шинал бюджет социал чулинмай бурувгсса бушиву. Амма экономикалуву лябукку къахъанарча, инсантурал ахIвал-хIал лахъ буван къахьунтIиссар. Яла гъансса 3 шинал национал проектирдан ккаккан дурну дур сайки 7 триллион къурушрал. Миннух бюхълай бур экономикагу лядуккан дуван, инсантурал доходругу гьарза дуван.
ХIадур бувссар
ХI. Аьдиловлул
