[dropcap]З[/dropcap]унттал билаят. ХьхьичIава вай жула зунттурду шийн инсан увкIун к1анттул хьуннин гьай-гьай, бухьунссия вахIшисса жанавартрахь.
Яла инсаннал мина дирхьусса кIанттурдая гай цахъис арх хьуну бур. Амма уттигу хьунабакьлай бур зунттаву: барцI, цуша, чакъал, хьхьувайсса, цулчIа, бюрх, тталак ва цайми жанаварт. Мунияту инсантуран цалва гъаттара вай жанавартрая буруччин аьркинну бур.
Му буруччавурив махъсса шиннардий ссуссукьуну дур. Му ссуссукьушиву душаврин барану хъанай бур хьхьувай кьатIух кьабивтсса гъаттара жанавартрал кьатI буллай бушиву. Ттун ттунма уттигъанну ккавккунни ЦIуйшиял багъравух ялавай най унува, ца чарттал ххюлубакIул чIарав жанаварданул бувтсса кьунча.Сурат ххуйсса дакъая.
Мунияту на буккултрал хьхьичIун га кьунклул сурат ласлай акъара.Ганияр махъ ца ттуна кIулсса ЧIяйннал шяравасса яттихIухчихь ХIанапиев Русланнухь цIухлай уссияв: «Хьхьувай ссал бутан бюхълахъиссар кьатIух ливчIсса гъаттара?»,- тIий. Ванал бувсуна ттухь хъинну чIявукIулсса чакъал тIисса жанаварданул дуллай душиву ми къеллу.
Макьабитларду зула гъаттара хьхьувай кьатIух. Буруччара ми вахIшисса жанавартрая.
ХIажимурад ХIусайнов
