ДР-лул БакIчи Владимир Васильев октябрьданул 1-нний гьуртту хьунни вай гьантрай Сочилий хьусса «Валдай» тIисса дунияллул халкьуннал дискуссиярттал клубрал гьар шинах шайсса ХVI батIаврий.
Микку ххал бигьлай бия Машрикьуллал билаятирттал дунияллул низамрайн биян буллалисса асардал, Азиянал билаятирттал дунияллул политикалуву ва экономикалуву бугьлагьисса кIанттурдал хIакъиравусса масъалартту.
Форумрал лагрулий хьунтIий бур цаппара сессияртту, микку гьуртту хьунтIий бур: Аьрасатнал ХIукуматрал вице-премьер Максим Акимов, министртал – Сергей Лавров, Александр Новак, Максим Орешкин. «Аьрасат ва исламрал дуниял» тIисса сессиялий махъ лахъантIий бур Дагъусттаннал БакIчи Владимир Васильевлул.
ХIадур бувссар
ХI. Аьдиловлул
