«Илчилул» ттугъ бивщуссар «Арарат-Зунттуйгу»
Ххирасса лакрал жямат, «Илчи» кказитрал буккулт! Зун дакIнийссар ванияр ца зурул хьхьичI «Илчи» кказитрал ттугъ палцIа тIий буссия Ухссавнил полюсрай,
Арктикалул ганз микIирай. Ванияр махъсса кказитрал ссапар Турциянал билаятрайнсса хьунни. Утти «Илчилул» ттугъ бивщуссар Арарат-Зунттул мицIлий – 5137 метралул лахъшиврий.
Андриана Аьбдуллаева
Ва ххаллилсса давугу дунни бюхттул зунттурду мютIи буллан ххирасса ва уттинин цимивагу зунттул мицIлийн лавхъсса чув, кказитрал хъинсса дус, букку ва хIакьсса патриот, ЦIуликъяннал шяравасса КьурбанмахIаммад КьурбанмахIаммадовлул. Системарттал технологиярттал институтрал ректор, профессор КьурбанмахIаммад чIявучин кIулссар.
Зунттавунмайсса ирглийсса аьрххилий нанийни, «Илчи» кказитгу ласун ччай ушиву бувсуна ванал, хьхьичI кьини оьвкуну.
ТIайлассар, ссапар чунмай бавхIуссарив кьюлтI бувна, зана хьувкун, бусанна куну.
Сентябрь зурул 18-нний 10 инсанная хьусса группалуву (6 инсан Польшанавасса, ца Украиннаясса, 3 Аьрасатнавасса) КьурбанмахIаммад лавхъссар Арарат-Зунттул бакIрайн. Махъра-махъсса 1000 метра группалун гужсса мурчавух лахълан багьну бур.
[dropcap]Б[/dropcap]аян буллай буру
дайдирхьушиву
2020 шинайнсса
«Илчилул» подписка
[dropcap]З[/dropcap]унттул мицIлийгу, гужсса дяркъугу, марчгу буну, дачIи ссятрайсса дакъа бацIаву къархьуну дур. Амма му щалагу чIумул мутталий Арарат-Зунттал мицIлий «Илчилул» ттугъ палцIа тIий бивкIссар.
Оьрмулул шиннахгу, хьунадакьлакьисса захIматшивурттахгу къаурувгун, КьурбанмахIаммадлуща бювхъуну бур цала хиял бартбигьин – бюхттул зунттул мицIлийн лавхъун, «Илчилул» ттугъ бищун.
Барчаллагь вин, хIурмат ххисса КьурбанмахIаммад ДинмахIаммадович! Ххариссару жула дянив ина кунмасса чиваркI, лакрал цIа бюхттул дуллалисса инсантал бушиврия.
Къалещаннав тачIав вил гьавас!
