![](http://ilchi.beget.tech/wp-content/uploads/2019/06/swedewwe3433.jpg)
ХIакьинусса кьини Дагъусттаннай ца яла машгьурсса, ххишала акъа усттарсса ва гьунар ххисса суратрищуну, фотохудожникну хIисавну ур Аминнул арс Камил Чутуев (ЧчютIухъал Камил).
Амма бюхъай чIявуссаннан къабавну, къакIулну бикIан Камиллул ппугу ивкIшиву мура суратрищаврил магьирсса пишакар. Мунияргу ххишала, Амин Чутуев ивкIссар Дагъусттаннал ТАСС-рал цалчинсса фотокорреспондентну.
Амин Чутуев увну ур 1909 кусса шинал Гъази-Гъумук заргалнал ва 1-сса гильдиялул купец ХIалим Чутуевлул къушлий. 1929-кусса шинал Таганрог шагьрулий къуртал бувну бур землеустроительный техникум.
![](http://ilchi.beget.tech/wp-content/uploads/2019/06/dwrr34r4f.jpg)
ХIажи ХIажиев Амин ЧутуевлучIа хъамалу
Микку дуклакисса чIумала Амин машхул хъанан ивкIун ур сурат рищаврил иширахун. Тания шинай, 20-ку шиннардия айивхьуну, цалва бусса оьрмулий Аминнул хIура къабувну бур кIунттища фотоаппарат. Му чIумул мутталий ванал личIлулсса янилу загьир хьуцири лахIзардал биялалийну сакингу хьуну бур щаллусса эпохалул тарих, цувгу ххал буллай, ккаклай, ккалай личIантIисса хIат дакъасса чIумул лахъшиврий, бухкъалагайсса ирсирай.
![](http://ilchi.beget.tech/wp-content/uploads/2019/06/wrf354ter.jpg)
Ризван Сулайманов оьрмулул дуснащал
Уттигъанну «Дагъусттан» тIисса луттирду итабакьай къатлул проектрайн бувну, дунияллийн бувккунни Амин Чутуевлул язи-язими суратру, давуртту цачIун дурну сакин бувсса «Эпохалул портрет» тIисса кIива томрайсса фотоальбом.
![](http://ilchi.beget.tech/wp-content/uploads/2019/06/swdewe5656.jpg)
ХIалимлул арс Амин Чутуевлул 110 шинал юбилейрал таварихрацIун бавхIуну, дуллай буру му фотоальбомравасса цаппара суратру – жула лавгсса тарихрал ва оьрмулул ххазинасса лахIзарду.
Р. Башаев
![](http://ilchi.beget.tech/wp-content/uploads/2019/06/swsedwew4545454.jpg)
Кумиричу
![](http://ilchi.beget.tech/wp-content/uploads/2019/06/derefe4546454.jpg)