Бигь

Бигьливу буссар фруктоза, глюкоза ва чIявусса витаминну: С, В1, В2, В9, Р, РР, А. Хъинссар бигь склерозран ва давление лахъминнан.

[dropcap]Б[/dropcap]игьлил хъуварду щаращи бувсса щин хъинссар яруннил цIуцIавурттан, ангиналул чIумал кьакьари вилаглан, укунсса щинал лажиндарал бурчугу кIукIлу байссар. Бигьлил мурхьирал чIапIаягума даруртту байссар.
Халкьуннал медициналул тIимунин бувну, шяра дирсса чIумал, хъугьу тIутIийни бигьлил хъуварал чяй дулайссар къашайшалан. Хъуварал хьюмушиву даншиврул гайннул ялун щин дутIайссар (5:100) лагрулий. Яла вай хьюмушиву ишла дай­ссар бронхитрал, гастроэнтерит­рал, колитрал, метеоризмалул цIуцIавурттан.

Яруннил къашайшиву думиннан бучIиссар, памма хъуварал хьюмушиврийн щуну, ярунний бихьлан, ангиналул чIумал кьакьари вилаглан. БучIиссар лажиндарайх дуклан, бурчу кIукIлу байссар. Шархьсса бигь хъинссар ттиликIрал къашайшалан.
Бигьлил сок хъинссар чахоткалул (туберкулез), астмалул, гастритрал къашавайминнан, хьюму лавсминнан, къюкIлил, ттиликIрал къашайшалтран, ссихIирал ххуллурду къашайминнан.
Бигь цурдагу, бигьлил щингу къабучIиссар лякьлуй щаву (язва) думиннан.

Хъин бувансса
рецептру

Астмалун, къюкIлин, тти­ликIран:
— дукра дукан хьхьичI гьантлун ца ягу бачIи стакан бигьлил сокрал хIачIаван аьркинссар.

Малокровие, сахарный диабет думиннан:
— бигьлия личIурду дурну, хъувараягу марцI дурну, термос­раву дирхьуну, ялун щаращи­сса щин дутIайссар (1:20). 2 ссятрава бучIиссар хIачIлан гьантлун 3-лла. Вай щин хIачIайссар дук­ралул дянив.

Хьюму лавсминнан:
— 200 гр. личIурду дурну дурурсусса бигьлил ялун дутIайссар ца литIра щинал, цIарай бивзун кIункIур, 20 минутIрайсса щаращи байссар. Ссятрай цал бачIи-бачIи стакан вай щинал хIачIларча, хъинссар.

Аьвкъу-гъили хьуни, дукралух тамахI бакъани:
— ца чяйлул къуса бигьлил хъуварал ялун бачIи стакан щаращисса щинал бутIайссар, чIумуя чIумуйн хъюлчугу дуллай, 2 ссятрайсса дитайссар, диргьуну махъ, дукралул хьхьичI, гьантлун шамийлла ца-ца хъунна къуса вайннул хIачIларча, хъинссар.

КIиз кьатI тIутIиминнан:
— бигьлил чIапIив (50 г) мюрш бувну, кьувкьуну, гайннул ялун ца литIра щинал дутIайссар, 1 минутIрайсса щаращи дурну, ца ссятрайсса кIучI дурну, вай щинай вилагайссар марцIсса чIарарду.

ЦIуллуну битаннав.
Т. ХIажиева