ХIурмат лавайсса ХIамидлул арс Юсуп МахIаммадов!
Ттула гъанциринналгу, дустуралгу, жяматралгу чулуха вил 60 шинал юбилейгу барча дуллай, чIа учин ччай бур чIярусса шиннардийсса, талихIрайсса оьрму, Лакку кIану цIу лаган буллай, инара дуллалисса давуртту тIайлабацIу буну чулийн дуклакаву.
[dropcap]И[/dropcap]на хъунмасса хIурматран лайкьсса инсан ушиву ттун щуркIал хьуна инава хIукуматрал хъуннасса даврий ивтсса чIумал, хъунма хIал къабувну, га хъун къуллугъгу кьабивтун, инава зий ивкIсса даврийн кIура авсса чIумал. Ина му дакIнийхтуну ва узданшиву ххисса ниятрай дурсса даву диркIшиву ттун хъиннува тасттикь хьунни «Илчи» кказитрал редактор Руслан Башаевлул суаллахьхьун дуллусса, «бивтнийн щилащисса», вила кутIасса ва аькьлулул дурцIусса жавабирттайну.
Навагу вин мудан барчаллагьрай ливчIссара, ттула чIивима уссу Ширвани аьпалухьхьун лавгсса чIумал, вила къайгъурдугу кьабивтун, жижара бан жуннийна увкIун тIий.
Вил мунияр тихунмайсса оьрмугу, уттинин бувтсса оьрму кунма, Занналгу тавпикьрайну, Лакку кIану тимар буллай, дуллалимур тIайлабацIулийн дуклай, хьхьичIва-хьхьичIгу вила кулпатраву хъанахъимунил, миллатраву хъанахъимунил ххари уллай гьаннав. Иншаллагь!
Гъаза Гъазаев
[dropcap]Ч[/dropcap]Iярусса шиннардий Ккурккуллал дянивмур даражалул школалий оьрус мазрал дарсирдал учительну ва завучну зий, оьрчIру тарбия баврил ва миннан кIулшивуртту дулаврил давриву бивхьусса захIматрахлу цIусса дуккаврил шинал дайдихьулий «Дагъусттаннал кIулшивуртту дулаврил отличник» тIисса лайкьсса цIа дуллунни Аьлиллул душ Сулайманова Рукьижатлун.
ДакIнийхтуну барча буллай, чIа тIий буру цIуллушиву, давриву хьхьичIуннайшивуртту, дуллалимуниву тIайлабацIу.
Ккурккуллал школалул учительтурал коллектив
ва дуклаки оьрчIру
