Дагъусттаннал Конституциялул кьини республикалул БакIчи Владимир Васильевлул бусравсса цIарду ва наградартту дуллалисса шадлугърай гьуртту хьунни «Илчилул» журналист Имара Саидовагу.
[dropcap]В[/dropcap]анин дуллунни «Дагъусттаннал культуралул лайкь хьусса зузала» тIисса цIа. ДакIнийхтуну барча буллай буру жулва коллега. Ххарину буру «Илчилул» журналистътурал бахшиширттал кьуцурттуву ца бусравсса цIа уттигу ххишаврия ва Имаран чIа тIий буру уттиния тинмайгу шавкьирай зунсса цIуллушивугу, бюхъугу.
Республикалул цIусса хъунама Владимир Васильевлул кIунттища ларсъсса награда Имарангу, щалва коллективрангу барачат хьуннав, миллатралгу, кказитралгу цIа-кьини дюхъаннав!
«Илчилул» коллектив
[dropcap]А[/dropcap]цIра шинай архIал дуклай, ца парталух щябивкIун бивкIсса ттула хъинсса дус Аьжахь дакIнийхтуну барча тIий бура бувсса кьини.
ЧIа тIий бура цIуллушиву, хъиншивуртту, тIайлабацIуртту. ОьрчIан талихI булуннав, дакIниймур бартлаганнав, оьрмулия щалихханнин битаннав.
Цинявппагу
одноклассниктурал цIания
Андриана Аьбдуллаева
