ДР-лул ХIукуматрал Председатель Артем Здунов гьуртту хъанай ур Сочилий февральданул 15-16-нний хъанахъисса Аьрасатнал инвестициярттал форумрай.

«Сочи-2018» – му бур Аьрасатнал инвестициярттал ва экономикалул каширду ккаккан дайсса, бизнесрал ва властрал вакилтурал ихтилатру байсса, кьутIирду чичайсса АьФ-лул ХIукуматрал кумаграйну дузал бувсса кIану. Форумрай гьуртту шайссар билаятрал сайки циняв регионну ва хъунисса компанияртту. Муний гьуртту шайссар АьФ-лул ХIукуматрал Председатель Дмитрий Медведев.
Форумрал лагрулий Артем Здунов хьунаакьинтIиссар ца­ппара федерал ведомствар­ттал каялувчитуращал ва хъунисса бизнес-структурарттал бакIчитуращал. Га мукуна гьур­тту хьунтIиссар Сочиллал форумрал панеллал дискуссиярттаву. Мукунна качичинтIиссар шанма чулухасса хIала-гьурттуну зузаврил хIакъиравусса рязишиндарай: ДР-лул Ишбажаранчишиврул ва инвестициярттал агентствалул, Татарсттаннал машинартту бай кластерданул ва «ИННОКАМ» тIисса Ассоциациялул.
Форумрай республикалул ккаккан дантIиссар шанна инвестициялул проект: «Каспийск ТОСЭР» дузал баву, «Матлас» тIисса курорт баву ва «Каспий плаза» тIисса гостиницардал комплекс баву.

Лажин хIадур дурссар
ХI. Аьдиловлул