[dropcap]Я[/dropcap]лун дуркIсса шинал чан-кьанну ххибунни оьрчIансса пособиярттугу. Январьданул 1-нния тихунмай цалчин оьрчI бувсса кулпатран (мукунма оьрчI цалашиврий бивхьусса кулпатрангу) дуллантIиссар гьарца зуруй 10 523 къуруш, оьрчIан шин ва дачIи хьуннин.

[dropcap]А[/dropcap]гарда кулпатраву­сса гьарца инсаннансса доход оьр­му бутаврин ккаккан дурсса яла чIиримур кьаралданияр гьарзасса да­къахьурча. Оьр­му бутаврин ккаккан дур­сса яла чIиримур кьаралданул дазугу дувай­ссар Аьрасатнал Федерациялул гьарцагу субъектрал, 1997 шинал октябрьданул 24-нний цIакь дурсса «О прожиточном минимуме в Российской Федерации» тIисса федерал закондалийн (№ 134) бувну. Ккаккан дурсса арцу дулланнин, хIисавравун ласайссар хьхьичIсса шинал кIилчинмур кварталданийсса оьрму бутаврин ккаккан дур­сса арцу. Яъни хIисавравун ласунтIиссар ларгсса 2017 шинал кIилчинмур кварталдалий гьарцагу региондалул цIакь дурсса прожиточный минимумрал таблица. Да­гъусттаннал хIукуматрал ларгсса шинал, августрал 14-нний, кьамул дурсса 174-мур закондалийн бувну, прожиточный минимумран кка­ккан дурссар 9774 къуруш. Шиккува бусанну ва цIусса выплата гьар шинах хъун хъанантIишиву, ялунчIин дуллантIиссар 10 836 къуруш зуруй, 2020 шинал тIурчарив – 11 143 къуруш. 2021 шиналнин лахъи дуккан дуварчагу материнский капиталданул программа, кIира шинай маткапиталданул индексация къадуллалиссар. ДуллантIиссар 453 026 къуруш.

П. Рамазанова