[dropcap]В[/dropcap]ай гьантрай бувккунни дунияллийн Амин Аьб­дуллаевлул сакин бувсса «Гьун­чIукьатIрал тарих» тIисса лу. Луттирах ябитайхтува, чIалай бур ваниха зий ивкIманал биял­сса захIмат бивхьушиву, шивун цачIун дурсса материаллу цимирагу шинал мутталий салкьи хъанай диркIшиву.

[dropcap]М[/dropcap]ахъ бакъа, ва лу хьун­ссар ЦIусса шинайнсса ххаллил­сса бахшишну ГьунчIукьатIрал жяматран. ГьунчIукьатIран ба­­къассагу, укунсса лу цала къушлий буну ччанссар Лакку кIанттул тарих-таварих лахьлан, кIул буллан гъира бусса цума-цаннангу.
ГьунчIукьатIрал шяравату бувккун бур 9 элмулул доктор, 2 академик, 2 Социалист захI­матрал Виричу, 70-я ливчу­сса элмурдал кандидатътал, 110-яр ххишаласса ДР-лул лайкь хьу­сса зузалт ва м.ц.
Дур луттирай, архсса заманар­дая байбивхьуну, хIакьинусса кьинилийн дияннинсса чIунгу, чIумул заллухъругу, миннал ба­гьу-бизугу хьхьичI бацIан бу­ллалисса чIярусса ва личIи-личIисса фотосуратругу, жула ппухълуннал ялапаршиндарал документруну хъанахъисса.
Луттирал лагрулий дур мукьттуршунния лирчусса лажинтру. Тираж – 500 экземпляр.
ТIалав бара, буккияра, ласияра мурад! Укунсса лу – духкъадуккайсса хъусри.

ЦIухху-бусу бан ччиминнан оьвчин бучIиссар ва тел:
65-00-07
Луттирду буссар «Илчи» кказитрал редакциялий.
Жул корр.