[dropcap]М[/dropcap]ахIачкъалаллал АхIмадхан Султаннул цIанийсса аэропорт­рай дунни ларгсса шиналсса даврил хIасиллу. 2017 шиналаэропортрай кьамул увну ур 1 067 685 пассажир, 2016 шинаяр 23% гьарзану.Мукунна аэропортрая лерххун дур ва кьамул дурну дур 16% гьарзасса самолетру.

Имара Саидова
[dropcap]М[/dropcap]ахIачкъалаллал аэропорт хIакьинусса кьини Дагъусттаннай бусса ца авиапредприятие хъанай бур. Мичча Аьрасатнал шагьрурдайн ссятрал мутталий лехлай ур 200 пассажир, дазул кьатIувсса билаятирттайнсса рейсирдайнгу ссятрал мутталий 60 пассажир лехлай ур.
2016 шинал, февраль зуруя байбивхьуну, аэропортрай буллай байбивхьуну бур 8000 квад­рат метра дусса, 190 пассажир ссятрал мутталий кьамул уван бюхъайсса цIусса терминал.
2017 шинал май зурул 3-нний МахIачкъалаллал аэропортра­хьхьун ихтияр дуллунни хъунисса салонну бусса Boeing -767-200, Boeing767-200ER, Boeing- 767-300, Boeing-767-300ER ва Airbus A-330-200 модификациярттал самолетру кьамул дуллансса.
Гьарица кьини МахIачкъа­лаллал аэропортрая Москавлийн лехлай дуссар 10-хъул самолетру, мукунна шичча самолетру лехлай дуссар Санк-Петербурграйн, Сургутрайн, Ростоврайн, Сочилийн ва Минводылийн, Къазахъисттаннайн, Туркнавун ва цаймигу билаятирттайн.
Ларгсса шинал декабрь зурул 12-нний МахIачкъалаллал аэропортрай кьамул бувсса пассажиртурал сияхI лархъунни миллиондалийн. Аэропортрал тарихраву цалчинни шинал му­тталий миллион пассажиртурал кьамул бувсса. Ва иширан хас дурсса мероприятиялий гьур­тту хьуссия ДР-лул БакIчинал кIанайма Владимир Васильев.