Декабрь зурул 1-нния январь зурул 10-ннийн бияннин республикалий най бикIантIиссар Дагъусттаннал МЧС-рал Агьаммур управлениялул буллалисса «ЦIусса шин» тIисса ялув бацIаврил ва профилактикалул операция.

Операциялул лагрулий ду­ллантIиссар личIи-ли­чIи­сса мероприятияртту:
— ххал бантIиссар цIушинал байранну дайсса кIанттурду.
— идарарттал каялувчитуращал, агьали цIарая мюхчан бан ялув бацIан аьркинсса инсантуращал, дежурныйтуращал ва инсантураха къуллугъ буллали­сса персоналданущал дантIиссар инструктажру, цIу ларчIсса къатрава инсантал буккан бансса тренировкартту.
— управлениялул биялдарай­сса подразделениярттал дежурныйтуращал ва цIу лещан дай­сса къуллугърал зузалтращал ххишаласса дарсру дишинтIиссар цIу лещан даврил ва цIу ларчI­сса кIанттурдая инсантал бу­ккан баврил хIакъираву. ЦIусса шинал байран дуллалисса кIан­ттурдайсса инсантурал ва хасъсса службардал дахIаву дурну, иш багьний цачIу зун ла­хьхьин бантIиссар.
— ДР-лул МВД-лущал цачIу дувантIиссар рейдру сертификат дакъасса пиротехникалул продукция дуллалисса ва дахлахи­сса кIанттурду ашкара бан.
ДР-лул МЧС-рал Агьаммур управление тавакъю буллай бур агьалинахь, цIарая мюхчан шаврил тIалавшиннарду дуруччияра ва личIлулну бикIияра цIушинал байрандалул гьантрай тIий.
БацIан бувара елка цIакьсса чIануй, пачрая, каминная, цаймигу лахъайсса затирттая, мукунма къатрава кьатIув буккай­сса кIанттурдая архну.
Малахъару елкалийн чагъаруннил гирляндарду, паммалул ва картондалул игрушкартту.
Маласару пиротехника дири-дирирния, кIичIирттава, ми даххан ккаккан къабувсса кIанттурдая. Пиротехника ласласийни, буругияра миннул чIун дурккуннагу дакъарив, ххал дувара сертификат дурив.
Пиротехника ишла дуллалийни бургияра инструкциялух.
ЛичIлулну бикIияра! Балугъравун къабивсса оьрчIру цив­ппалу пиротехникалущал зун мабитару.
ЦIу лачIурча, мугьлат бакъа оьвчияра цIу лещан дайсса службалийн «01» телефондалувух. Мобильный телефонная «112» телефондалийн.
ДР-лул МЧС-рал Агьаммур управлениялул хъунаманал хъиривчу Э.Г. Хамавов

ХIадур бувссар
А. Аьбдуллаевал