[dropcap]Н[/dropcap]оябрьданул 29-нний Да­гъус­­ттаннал БакIчинал кIанайсса Владимир Васильев хьунаавкьунни АФ-лул Ухссавнил Ккавкказуллал иширттал министр­нал хъиривчу Михаил Развожаевлущал.

Ххал диргьунни Ухссавнил Ккавкказуллал иширттал министерствалул Дагъусттаннай бартдигьлагьисса цаппара программартту ва инвестициярттал проектру хIала-гьурттуну дузрайн дуккан даврил масъалартту. Мукунма ихтилат хьунни Дагъусттаннал ишбажаранчитал «Инвестируй в Кавказ» тIисса УI бизнес-сессиялий гьуртту хьун аьркиншиврул хIакъираву.
Мунил хъунмур мурад хъана­хъиссар жулва региондалул маэшат лахъ бансса, инсантурал оьрмурду ххуй бансса стратегиялул ма­съалартту щаллу бансса ххуллурду лякъаву. Миннувух бур Каспийрал портру ва туризм лядуккан даврил ххуллурдугу. Му мурад щаллу хьуншиврул аьркинссар Дагъусттаннай дузал дуван инвестицияртту дучIан дуллансса шартIру. Михаил Развожаевлул бусаврийн бувну, Дагъусттан – агьамсса регионни, СКФО-рай дузрайн ду­ккан даврил чулуха ца яла хъинмур проектну хъана­хъиссар Каспийрал кластер лябу­ккан баврил проект. Му Ухссавнил Ккавкказуллан цIусса давур.
Владимир Васильевлулгу бувсунни му проектрал давуртту бартдигьаврил агьамшиврия.