[dropcap]Д[/dropcap]агъусттан Республикалул Культуралул министерствалул коллегиялул ирглийсса батIаву хьунни ноябрьданул 21-нний Р. ХIамзатовлул цIанийсса Национал библиотекалий.
Бадрижамал Аьлиева
ДР-лул культуралул министр Зарема Буттаевал кIицI лавгунни, АьФ-лул Культуралул бивщусса кьиматирттал хIасиллайн бувну, Санкт-Петербургуллал VI Культуралул форумрай Дагъусттан Республика дурхшиву хьхьичIунсса 10 региондалул сияхIравун.
Давриву чIалачIи дурсса хьхьичIунсса ккаккиярттахлу ведомствалул ва мунил биялдаралу зузисса идарарттал зузалтран дуллунни паччахIлугърал наградартту, хIурматрал грамотартту ва барчаллагьру.
Гихунмайсса ихтилатраву Зарема Буттаевал бувсунни дурсса ва цIанасса ппурттуву дуллалисса давурттая. Ихтилатру бунни цайминналгу. Докладру буллалиминнах вичIи дирхьуну махъ коллегиялул кIицI ларгунни Оьруснал театрданул ва Ссихьрал театрданул дунияллул халкьуннал дянивсса фестиваллай дуллалисса хьхьичIунсса гьурттушиндарал даву, Оьруснал, Лакрал, Яруссаннал, Къумукьнал театрдал – «Аьрасатнал культура» тIисса цIанилусса федерал целевой программалул лагрулий дуллалисса гастроллал даву.
