[dropcap]Н[/dropcap]оябрьданул 1-нний кIюр­ххицIун цIу дагьну дур Ирчи Къазахълул кучалийсса базаллуву­сса контейнердацIун, ччувччуну бур 9 контейнер.

МЧС-рал прессалул къуллугърал бусаврийну, бакIрай цIу дагьну дур кафе бувну бивкIсса контейнерданийн, муниясса цIарал ччувччуну бур чIарацIухсса цаймигу муххал контейнерду. Миннуву диркIун дур ичIура аьркин дайсса затру. ЦIанасса ппурттуву (ноябрьданул 1-нний) цIу дагьсса кIанай зий бур МЧС-рал пишакартал, миннал кIул буллай бур ччя­сса кIюрххил, 4 ссятраву, цIу цукун дагьну диркIссарив ва цуксса зарал бивну буссарив.
Ва утти шамилчинни му базаллувун цIу дагьайсса. Ванияр хьхьичI интту цIу дагьсса чIумал ацIвахъул контейнерду ччувччуну бивкIссар.

ХIасан Аьдилов