МахIачкъалаллал халкьу­ннаясса аьрзардах бурувгун, жула шагьрулий ин­ттуя шинмай зун бивкIсса, шярал ккаччив батIлатIисса питомникрал гуж къалаллалисса ххай бура.

З. АьбдурахIманова
[dropcap]К[/dropcap]каччив бакъасса паркрал, скверданул, хIаятрал, кIичIираваллил мурцIу бакъар. Ялун нанисса кIигу хIисавравун ларсун, цIана ми ккагу-ккашилну, оьгу бивкIун, кIапIаллу хьуну лечлантIиссар жува заназисса ххуллурдайх.
Шагьрулул Ветеринариялул комитетрал хIасиллайн бувну, кучардай, халкь бигьалаглаги­сса кIанттурдай, лахъ къатрал хIаятирттаву заллу-зал акъа­сса 7, 5 азарваксса ккаччи бу­сса бур.
ХьхьичIми шиннардий, вайннулсса байсса къуллугъ къабивкIун, вайннухлу жаваб дулайма къаивкIун тIийри ккаччив гьарза хьусса тIий бур цIанасса администрациялул пишакарталгу.
«Питомец» МУП щурун бивкIсса вай цаппара зурдардил дянив шагьрулул кIичIирттава 800-ксса оьсса ккаччив бувгьуну бур.
Октябрьданул махъва-махъсса гьантрайгу идаралул зузалт, пневматикалул ттупанг­рава ккаччив чIумуйсса шанаши бай ккулларду битлай, шагьрулул цаппара хIаятирттавух бувккун бур. Шанашисса кка­ччив машиналийн лахъан бувну, питомникраву багьайсса дарурттугу бувну, вичIай «биркардугу» бивщуну, махъунмай итабакьайсса бур. Хъиннува оьсса ккаччив ягу цачIава битайсса бур, ягу яттикъушайн, къутаннайн була тIий бувкIсса халкьуннахьхьун булайсса бур.
Ва масъалалул ялув бавцIусса шагьрулул администрациялул зузалтрал бусаврийну, МахIачкъалалив заллу-зал акъа­сса ккаччацIун дархIумур тагьар шиная шинайн къулай хьун аьркинссар. Цанчирча ккаччив «стерилизовать» буллай, миннул карчIру къадан битансса даву хьхьара хьун къаритлай зий буну тIий.
Аьмну ва масъалалул жаваблувшиву дирхьуну дуссар шагьрулул УЖКХ-лий.