[dropcap]О[/dropcap]ктябрь зурул 30-нний МахIачкъалаллал аэропортрая тIитI­латIиссар Краснодардайнсса рейсру. ЦIуну тIитIла­тIисса рейсру дуллантIиссар «Азимут» авиакомпаниялул самолетир­ттай. Сентябрь зурул 25-нний байбивхьуну буссар вай рейсирдайнсса билетру бахлай. Яла ялараймур тарифрай ва рейсрай Да­гъусттаннайнсса билетрал багьа бацIлай бур 888 къурушран.

[dropcap]М[/dropcap]ахIачкъалалия Краснодардайнсса рейс дур 12:30 минутIраву, Ростоврайн – ссят 17:30 хьусса чIумал. Ростоврая махъунмай – ссят 10:05 чIумал, Краснодардая махъунмайгу – ссят 15:00 хьуну.
МахIачкъалалия Краснодардайнсса самолетру лехлантIиссар арвахI ва алхIаткьинирдай.
«Азимут» авиакомпания дур Аьрасатнал регионнайнсса рейсру дуллан тIиртIусса цIусса лоукостер. Азимутрал флот сакин хьуну дур цIусса модификациялул 100-хъул самолетрая.
ДакIнийн бутанну МахIач­къалаллал аэропортрая гьарица кьини Москавлийн 10-хъул самолетру лехлай душиву. Мукунна МахIачкъалаллал аэропортрая самолетру лехлай дур Санкт-Пе­тербурграйн, Сургутрайн, Ростоврайн. МахIачкъалаллал аэропортрая самолетру лехлай дуссар Туркнавун, Къазахъисттаннайн.
Октябрь зурул 31-нния тиннай МахIачкъалаллал аэропорт­рая лехлантIиссар Аьрабусттаннайнсса самолетругу.
ХIадур бувссар И. Саидовал