ЦIана, дуккаврил шин къуртал хьуну, оьрчIру гъинтнил каникуллайн бувксса чIун дур. ЧIявуми оьрчIругу нитти-буттал, хъуниминнал къулагъасрала бувккун личIлай бур.

Щаллусса кьинирдай ургала акъа цахунма цивппа бивчусса оьрчIал тIулдакъашивуртту дур­сса ишругу ва чIумал чIяву шай. ЧIявуну, цанма хIаз бан, оьрчIал бичлай бур къавтIирду инсантал ялапар хъанахъисса къатрал чIарав, хIаятирттаву, багъирдаву. Ца-ца чIумал оьрчIал вяйлиявурттал ахир оьнийн дуккай. Зарал бияй цала оьрчIалгу, цайминналгу цIуллу-сагъшиврун. Мунияту, ххуйну хьунссия каникуллал чIумал оьрчIру ссахун-бунугу мюнпатсса давурттахун бичирча, чув-бунугу, гуж къабагьансса кIанттурдай, зузи барча. ХьхьичIва нитти-буттащал архIал оьрчIру тарбия бавриха зий дуссия цурда хIукуматгу. ЦIанасса заманнай нитти-буттан цала оьрчIалсса цала буллан багьлай бур. Миннал цанна бакIцIуцIаву дан багьлай бур оьрчIру оьккимуния, нигьачIаврия арх бан. Чара бакъа бан аьркинссар оьрчIащал дюъ дихьлахьисса ихтилатру. Бусан аьркинссар миннахь ичIува, вацIлуву, щиначIа апатIрая мюхчан хьунсса куц. Бюхъавай, гьан бан аьркинссар оьрчIру гъинтнил лагерьдайн. Гьарица тагьарданий мюхчан хьун хъунмур бияла инсаннахь цахьва бу­ссар. Тавакъю буллай буру цинявппагу нитти-буттахь, хъуниминнахь, гъинтнил каникуллал чIумал зула оьрчIру апатIирттая мюхчан бансса чаран лякъияра тIий.
У.А. Умаров,
МахIачкъалаллал 1-мур надзорданул ва профилактикалул даврил хъунама дознаватель, виваллил къуллугърал майор