Дагъусттаннал УФСИН-лул 7-мур колониялий ххал бигьавуртту дан увкIунни ДР-лул прокурорнал бигарду щаллу буллалисса 3-мур классрал юстициялул советник Сергей Беляков.
УФСИН-лул хъунама, виваллил службалул генерал-майор Муслим Даххаевлущал ва идаралул каялувчитуращал прокурорнал ххал дунни медициналул часть, дуснакь бувми яхьусса къатри ва миннал дукра дукайсса кIанттурду, янна дуруххайсса, усру дайсса ва тIаннул кушурду байсса цехру. Ванал ихтилат бунни колониялий щябивкIминнащал. Республикалул прокуратуралул ххуйсса кьимат бивщунни колониялийсса тагьарданун. Хьунадаркьусса чIири-хъунсса диялдакъашивурттал хIакъиравугу маслихIат ккавккунни идаралул хъуниминнащал.
Дагъусттаннал
УФСИН-лул пресс-служба
