Интдайдихьулул шамилчинмур кьини Карашрал шяраву дия хъуннасса уттарашиву – му кьини жямат кIицI лаглай бия Хъарас щаврил байран.

Му эбадатсса кьинилул Хъун Хъузалану ия Кьурбаннул арс Кьурбанов Мурад.
Хъарас щаврил программалул дайдихьу хьуна шяраваллил мизитрачIа: дурккуна кIикку дуаьр­тту, лабивзуна Заннайн. КIичча сукку хьуну, лаилагьгу тIий, агьали бувкIуна щарнил къирагърай­сса хIатталличIан, бувккуна тиккугу кьулгьу-кьуран. Муния махъ, Хъун Хъузалал цува заллусса хъунил марслуйн бувкIун, бивщуну гьаннагу, щуна гикку Цалчинсса хъарас.
Му бусравсса ва хъу-лухччи цIу лагаврицIун дархIусса байрандалийн бувкIун бия личIи-личIисса кIанттурдая биялсса агьлу, цивппа караши бакъассагу, хъамал, дустал, гьалмахтал, чIахху-чIарахми.

https://www.youtube.com/watch?v=Ah2rEo68ylA&feature=youtu.be
Хъарас щаврицIун дархIусса аьдатру бартдиргьуну мукьах чаннасса ссавнилу тIивтIуна буллугъсса дуки-хIачIиялулмур мажлисгу. Дуруна диялсса дялахърурду. Мажлисрал чIюлушин хъиннура хъунна дуллалисса бусравсса гьурттучиталну бия жула лакрал сийлийсса балайчитал ва музыкантал Халисат Батирбекова, Шамсуттин Къапланов ва Арсен Хановлул ва м.ц..
Кьурбанов Мурадлуя ялун ирг­лийсса Хъарас щаврил кьуру цайнма лавсунни ХанмахIаммадов Русланнул.
Жул корр.