Январь зурул 29-нний ЦIумадиял райондалийсса Хушет тIисса шяравун медициналул лавайсса даражалул кумаг аьркин багьлагьисса къашайшалт МахIачкъафлалийн буцин тIалав дурну дия «Дагестан» авиакомпаниялул вертолет.
И. Саидова
КIинттул, машинарттал ххуллурдай нигьачIаву дусса чIумал, агьали медициналул кумаграл щаллу баншиврул ччя-ччяни багьай зунттал щархъавун вертолетру дучIан дуллан. ЧIяруми щархъаву агьали аьркинсса медициналул кумаграл щаллу буллансса шартIру дузалну дакъар. Укунсса иширттаву мудан чIарав бацIай ва аьркинсса медициналул кумаг бай Дагъусттаннал Медициналул катастрофалул центрданул хIакинтурал. АпатI хьунийн бучIайсса медициналул центрданул хIакинтурал бригадалул кIира-шанна ссятрал мутталий къашайшала иян уллай бур МахIачкъалаливсса азарханардайн.
Ва ххуллухгу «Дагестан» авиакомпаниялул вертолетрай увцуну бувкIунни ЦIумадиял райондалиясса Хушет тIисса шяравасса кIия къашайшала МахIачкъалаливсса азарханалийн.
