Декабрь зурул 1-нний 1853 шинал Нахимовлул каялувшиву дуллалисса оьруснал эскадралул туркнал флот ххит дуккан дурссар Синоп тIисса мысрачIа.
Декабрь зурул 3-нний 1966 шинал, МоскавуллачIа немецнал аьрал бух бувну Ххувшаву ларсун 25 шин хъанахъисса кьини, Ленинградское шосселул 41 километралийсса кIанттаву, уссурваврал гьаттава кIул акъасса саллатIнал прах лавсун, Кремлилул чIирачIа бувччуссар. 1967 шинал май зурул 8-нний лавхъссар Абадлийсса цIарал къувтIи. Декабрь зурул 9-нний 1769 шинал 2 Екатеринал учредит дурссар яла лахъмур аьрали награда – Святой Георгийл орден. Ва кьини жува Совет Союзрал Вирттаврал, Аьрасатнал Вирттаврал, Святой Георгийл ордендалул ва Славалул ордендалул кавалертурал савлугъ дувайссар.
Декабрь зурул 10-нний 1877 шинал оьруснал аьралуннал Болгариянавусса Плевна къала лавсъссар.
Декабрь зурул 17-нний 1788 шинал кIинияз Потемкиннул каялувшиву дуллалисса оьруснал аьралуннал ЛухIи хьхьирил зуманивсса туркнал Очаков тIисса къала лавсъссар.
Декабрь зурул 23-нний 1914 шинал император 2 Николайл указрайн бувну Военный Советрал хIукму бувссар «Илья Муромец» тIисса, самолетирттал цалчинсса эскадра хIасул буван, ва кьини хъанахъиссар, Аьрасатнаву бакъагу, щаллагу дунияллий стратегиялул авиациялул гьану бивзсса кьинину. Аьрасатнал ВВС-лул Дальная авиациялул кьинир.
Декабрь зурул 24-нний 1790 шинал Суворовлул каялувшиннарайну оьруснал лавсъссар туркнал Измаил тIисса къала. Му цIакьсса къала цуппагу цаппара ссятурдил мутталий ласун бювхъуссар. Анжагъ ца инсаннащар къалалува лихъан бювхъуссагу.
Декабрь зурул 28-нний 1877 шинал оьруснал аьралуннал Шипкинский перевалданучIа туркнал армия ххит бувссар.
ХIадур бувссар
П. Рамазановал
