ХIурмат лавайсса ватанлувтал!
Хъинну чансса бакъа къалякъинтIиссар хIакьину, лакрал халкь кунма, щалагу дунияллийх кIама бивщусса.
Аьрасатнал паччахIлугърай махъра-махъ дурсса переписьрайн бувну, лакрал аьдад ккалли хьуну дур 180 азара инсан ушиврун. Минная лакрал аьрщарай мина дирхьуну яхъанахъисса ливчIун ур 4000 инсан, махIаттал къашарув 1580 кв. км дусса аьрщарай агьлу бухлавгун, 140 азарда гектар аьрщарал вахIши хьуну душиврий.
Ва цIанасса оьвчIаврил сававрттугу хъанай дур:
1. Агьлу кьатIух бищаву.
2. Аьрщи зузи къадуллай, миллатрал ирсирай нинимур хъус дахху-ласулухун дутаву.
3. Ниттил маз – лакку маз ишла къабуллай бух лаглагаву.
4. РувхIанийшиву ялун нанисса миллатрал никиран цирив къакIулшиву.
Махъсса 100 шинай Лакрал аьрщи ишла дуллай я махъ дирхьусса, я заллусса, я рувхIанийсса, я маданийсса жула оьрчIал оьрчIал оьрчIан ирсирай къаританмур цичIар дакъар. Лакрал буссар яла оьккимур зай «мархха бухлагивухъул» тIисса. Му жухава бацIавай бур.
Гьарцагу шяраваллил жяматрал цIа рирщусса вакилтал бачияра батIиннуча, аьмну пикри баннуча. Жува буржлувссару оьрчIал хьхьичI дурмунил сияхI дан.
Жугу Лакрал миллатрал агьлу миллатрал аьрщарай оьрму бачин бувсса:
Аьлиоьмаров Каримуллагь
(ш. Гьухъал)
Рашкьуев Оьмари
(ш.Гъумучи)
Халилов Жаруллагь
(ш. Гъумучи)
Буттаев Бутта
(ш. Гъумучи)
Шамхалов Дамадан
(ш. Шали)
МахIаммадов МахIаммад
(ш. Гъумучи)
Юнусов Аьбдул
(ш. Хъусращи)
Акаев Сагъир
(ш. Ххюлуссун)
Исяев Шамил
(ш. Гъумучи)
Мусаев Муса
(ш. Гъумучи)
Сулайманов Р.
( ш Гъумучи)
Учуев И. (ш. ШавкIул)
Аьбдуллаев Бутта
(ш. ГьувкIур)
МахIаммадов МахIаммад
(ш.Гъумучи)
Буттаев Шарабуттин
(ш. Гъумучи)
