ва Дагъусттаннал бакIчинал буржру чIумуйну биттур
буллалисса Федор Щукин гьуртту хьунни оьрус мазрал
ва Аьрасатнал халкьуннал мазурдил хIакъиравусса паччахIлугърал Политикалул советрал заседаниялий.
Июньдалул 2-нний Аьрасатнал президент Владимир Путиннул видеосвязьрайхчIин дунни оьрус мазрал ва Аьрасатнал халкьуннал мазурдил хIакъиравусса паччахIлугърал Политикалул советрал заседание.
Ванал Дагъусттаннал халкьуннал мазру ва литература щалагу Аьрасатнал аьмсса культуралул агьамсса бутIар увкунни. ДакIнин бувтунни халкьуннал шаэр Расул ХIамзатов увсса кьини, сентябрьданул 8-нний цалчин кIицI лагантIишиву Аьрасатнал халкьуннал мазурдил кьини.
«Ва давугу Аьрасатнал Халкьуннал цашиврул шинал дайдишавугу мяъна дусса лишанни», – увкунни Путиннул.
Билаятрал хъунаманал кIицI лавгунни Дагъусттаннал халкьуннал мазурдийсса луттирду итабакьаврил даву гьаз дуван багьлай бушиву. Ва заседаниялий гьуртту хъанахъисса Дагъусттаннал хъунаманахь Фёдор Щукиннухь (врио) Путиннул увкунни: «Дагъусттан мазурдий итабакьлакьисса луттирдал аьдад хIисавравун ласун аьркинни. ХьхьичIава, совет заманнай итабакьайсса луттирдал аьдадрах бурувгун, яларай дагьну дур утти итабакьайминнул аьдад».
Хъинчулий ккавккунни ванал гьашинува «Аьрасатнал халкьуннал литературалул шедеврдал библиотека» цIу буккан баврил пикригу. Ва сериялувун багьантIиссар оьрус мазрайн тажума бувсса миллатирттал литературалул язими произведенияртту.
ПатIимат Рамазанова
