ЦIахъардал Къуманиву, ххуллуцI марщай, дирхьуну дур «Илчилул» цалчинма редактор, шаэр, драматург, революционер Гьарун Саэдовлул гьайкал. КьатIуппай наниминнахь «ххуллухъин», шаппай наниминнахь «баврув» тIисса куна, чIалан икIай миллатрал бюхттулсса арс Гьарун Саэдов.

Ва гьайкал дакьингу дурну, цIу дуккан дурссия 2006 шинал «Илчилул» хъунмур редактор Качар ХIусайнаевал сипталийну.
ЦIу дуккан дурсса гьайкал тIитIлатIисса мажлисрай гьуртту хьуссия Дагъусттан Республикалул миллатрал политикалул, информациялул ва кьатIаллищалсса дахIавурттал министр, аьпа биву МахIаммадсалихI Гусаев, миллатирттал кказитирттал хъуними редактортал, бусравсса хъамал.

Ларгунни шинну, Гьарун Саэдовлул гьайкалданул чIалачIин цIана гьайбат дакъасса даражалий дур. Гьарун Саэдов «Илчи» кказитрал цIалчинма редакторгу ухьувкун, ванал цIа лакрал тарихраву чирчунугу духьувкун, «Илчилул» редакциялун жуйва бивхьусса буржну чIалай бур ва гьайкал цIу дуккан даву.
Ва чирилул давриву, гьайкал цIу дуккан давриву, чIарав бацIанми чан къахьунссар, тIисса умудрай буру. Ка-кумаг баву дакIнин кьамулну буминнаща баян бан хьунтIиссар «Илчи» кказитрал редакциялийн.

Лакрал виричу оьрмулия щакъаливхна ахиратрал хьу­сса кIанттай чIарах наниминнал алхIам буккинссар тIисса ниятгу дур.
Руслан Къардашов, «Илчилул» хъунама редактор
Тел:+7(903)480-96-03.