Лакрал райондалул администрациялул актовый залдануву хьунни Лакрал ва Ккуллал районнал СПК-рдал каялувчитуращалсса, фермертуращалсса ва шяраваллил хозяйствалуха зузиминнащалсса совещание.

Ваний гьуртту хьунни Лакрал райондалул бакIчи Зураб Куччаев, ДР-лул шяраваллил хозяйствалул министрнал хъиривчу Шарип Шарипов, Инвестицион политикалул ва проектирдал управлениялул каялувчи МахIаммад ПаттахIов, Ризкьилуха ва гьаннараха зузисса управлениялул каялувчи Светозар Оьмаров.
Хьунабакьаврий ххал бигьлай бия районнал агропромышленный комплекс хьхьичIунмай баврийн, аьрщи ишла даврийн ва хъу-лухччинуха зузиминнан паччахIлугърал чулуха кумаг баврийн багьайсса суаллу.
Зураб Куччаевлул бувсунни райондалийсса дугьай хъуру щурущи даврия. Цала хозяйстварттал хьхьичIсса масъаларттая бувсунни СПК-рдал каялувчитурал ва фермертурал.

Зулайхат Тахакьаева