Вай гьантрай Ккуллал райондалийн бувкIунни Аьрасатнал МЧС-рал КIанттул политикалул управлениялул отделданул хъунаманал хъиривчу Станислав Самойлов ва Дагъусттаннайсса ЧС МЧС-рал ЛяличIисса тагьарданул иширттайн агьали хIадур буллалисса управлениялул отделданул хъунама Ислам Ибрагьимов.

Комиссиялул вакилтурал тIабиаьтрал апатIирттайну зараллу хьусса инсантуран бувчIин бунни кумаг тIалав буллалисса аьрзарду чичайсса куц.
ЧС ва ПБ-лул комиссиялул члентуращал бивунни зараллу бивсса кIанттурдайн. Шиккугу вайннащал документру щаллу бансса бувчIинбавуртту дунни. ЛичIиссара къулагъасрайн ларсунни компенсациялул выплатартту ласунсса документру дузал баврил низам.
Ккуллал райондалул администрациялул бакIчи Ажув ХIусмановлул барчаллагь увкунни анаварсса мутталий хIасул хьусса масъалартту дузал бан кабакьу бувсса комиссиялул вакилтурахь.

Имара Саидова