ТIабиаьтрал апатIрайну бивсса зараллу бухлаган баврин кумагран техника дучIан дунни кIанттул ишбажаранчитурал ва дакI аьтIисса агьалинал.

«Биг-Сервис» ООО-лул хъунама директор Шамил Аьлиевлул гьан дунни ххуллурду марцI бансса техника. ЦIана техника зий дур гъараллал зия бувсса Инишиял ва Кьукуннал шяраваллал чулийнмайсса ххуллурдай.

Шамил Аьлиев цувагу ивунни апатIру хьусса кIанттурдайн, ххуллурдал тагьаргу ххал дан, зузалтрангу кумаг бан.
«Так цачIур жущава тIабиаьтрал апатIрал биян бувсса зараллу бухлаган бан бюхъантIисса. Жул идара ччянияцIава уртакьну буccар администрациялущал, хIадурну буссар агьалинан бюхъайсса кумаг бан гьарца ишираву», – увкунни ванал.

Ххуллурду марцI бансса техникалущал кумагран увкIунни райондалиясса цамагу иялчу – Ххутрал шяраватусса Малик Жабраилов. Ванал кумаграцIух бювхъунни лахIунтту, валтру дагьсса ххуллурду марцI бувну, Ххутрал ва Хъанардал чулийннай транспорт занансса тагьарданийн буцин.
Райондалул администрация ва агьали барчаллагьрай бур вайннайн ватанлувтурал чIарав бацIаврихлу. Цал каши хъиннура хъунна хьуннав тIий бур.