Щинаясса нигьачIаву сандакъул мадулларди
* * *
Канализациярттавусса щинавухгу, скотомогильникирттавух дурксса щинавухгу хIала хьусса, шагьрулийссагу, зума-къирагъирттайссагу муркъирдайсса ччикунсса чапалшивуртту, бактерияртту, вирусру хIала хьусса щин хIачIан чунни, вайннуй кару шюшингума къабучIиссар.
* * *
Лажин-ка, ккарччив шюшин ишла дувансса марцIсса щин дакъахьурчан, ишла дуван хьхьичI крандалувасса щин щара лахъира (шанна-мукьра минутIрай щарай диртун). Щинавун бучIан ишла дуллалимигу, яла-яла мюрщи оьрчIру щинавун бучIан буван ишла дуллалимигу.
КарчI къадурну, щаращи бувара щинал бадра, гъилисса тагьарданийн бияннин бякъин бивтун, бучIира вайннуй щинавун.
* * *
Крандалувасса щиная яла-яла хъунмасса зарал биян бюхъайссар мюрщисса оьрчIан, лякьлуву оьрчI бусса хъаннин, оьрмулул бугьараминнан ва цIуллу-сагъшиврул заэвминнан.
* * *
Эпидемиологтурал тIимунийн бувну, гъараллая махъсса гьантрай неххайн, бярув, хьхьирийн бучIангума къабучIину бур.
* * *
Щин хъинну чапалсса чIумал вай марцI дан химиялул реагентругу чIяру дувайссар, цIуллу-сагъшиврун вайннуясса концентратирттаясса нигьгу ххи хъанахъиссар бактериярттаясса нигьачIишиврул ялун.
* * *
Крандалувасса щинаву бикIан бюхъайссар цIуллу-сагъшиву хъинну хIура дуккан дувансса, хIатта оьрмулунгума нигьачIишиву дусса азарду сукку дувайсса бактерияртту: кишечная палочка, сальмонелла, легионелла ва м.ц..
* * *
Гъараллая махъ крандалува нанисса щинаву мукунна дикIан бюхъайссар личIи-личIисса предприятиярттава ва транспортрава гьаваллавун нанисса загьрусса (токсичные) затру. Укунсса щинайн щара лархъун махъгума вихшала дишин къабучIир. Мунияту бацIан аьркинссар Роспотребнадзорданул, щинал пробарду лавсун, баян буваннин бучIину бурив щин аьркин дуллан ягу ттигу бацIан багьлай бурив.
* * *
Гъараллу ларчIсса ппурттуву хIачIангу, дукра дувангу, лажин-ка шюшингу ишла дуван аьркинссар шушравусса щин (бутилированный).
* * *
Гъараллая махъсса щин лирцIусса духьурчангума къабучIиссар хIачIан.
* * *
ХIажатханттуву тIагьарат бувангу вай гьантрай ишла дувара шанна-мукьра минутIрай щарай диртсса щин ягу шушравасса щин.
* * *
Гъараллая махъсса щин щусса дуки-хIачIиягума ишла дуван къабучIиссар.
* * *
Вай гьантрай тIахIни-кIичIугу шушравасса щинай шюшин аьркинссар. Ягу щара лархъсса щинай шюршуну, ялун щаращисса марцIсса щингу дуртIуну вилаган.
* * *
Инфекциялийнсса, вирусрайнсса щак-щук багьайхтува мугьлат бакъа хIакинтурал кумаграл хъирив буккан аьркинссар.
Буруччира зувагу, зулва кулпатравумигу щиная лахъан бюхъайсса инфекциярттаща ва вирусирттаща.
ХIадур бувссар
Бадрижамал Аьлиевал
