ДР-лул Президентнал прессалул къуллугърал бувсъсса куццуй, оьвкуминнавух бивкIссар Дагъусттаннал муфтий АхIмад-хIажи Аьбдуллаев, щайх Мансурил МухIаммад-апанди, МахIачкъалаллал ва Избербашуллал хъуними мизитирттал имамтал, Саэд-Апаннинал цIанийсса Теологиялул институтрал ректор АьбдуллахIажи Ацаев, ДМД-рал официальсса вакил МахIаммадрасул Оьмаров, цIадурксса аьлимтал. ХIасан Аьдилов
Р. АьбдуллатIиповлул бусурманнал ишккаккултращал архIал дурккунни ЧиркIайннал щайх Саэд-Апаннинан хас дурсса мавлид. Мавлидрая махъ хьусса ихтилатраву ххалбивгьунни цIанасса Дагъусттаннал жяматрал рувхIанийшиврул тагьарданул масъалартту, миллатирттал дянивсса ва диннал дянивсса масъалартту, динчитал хIадур баврил масъалартту. ДР-лул Президентнал кIанайманал тапшур бунни ляличIину къулагъас дуван мизитирттал имамтал хIадур баврих ва миннал давурттах. [pullquote]ДР-лул Халкьуннал Мажлисраву зунтIиссар депутатътурал пост[/pullquote] «Мизитирттал имамтал бикIан аьркинссар гьарца чулуха итххявхсса ва культура дусса», — увкунни Р. АьбдуллатIиповлул. ДР-лул Президентнал кIанайманал диндалул ккурандалийн тапшур бунни властьрал паччахIлугърал органнащал цачIу гужлан дуван ялун нанисса ник ватан ххирашиврул ва адав-мяърипатрал ххуллий тарбия даврин хасъсса давуртту.
