ЦIуссалакрал райондалийсса Чапаевкаллал 2-мур школалий технологиялул дарсирдай дуклаки оьрчIру бур аьра­лийтурал мюхчаншиву дуруччавриву ишла дайсса къертту щашлай.

Школалий укунсса давуртту дайдишаврийну, дуклаки оьрчIру захIмат ххирану, патриотъталну тарбия баву бакъассагу, Ватандалул мюхчаншиву дуруччаврихссагу жаваблувшиву ххишала хъанахъиссар. Директорнал кумагчи Загьидат Рамазановал ва хъунмур вожатая Огурхановал дуклаки оьрчIан лахьхьин бунни маскировкалул къертту щашлан.
Укунсса дарсирдалли оьрчIавун аьралийтурал чIарав бацIлан ва кумаг буллансса гъира-шавкь рутай­сса. ХIакьинусса кьини дуклаки оьрчIал бувсса захIмат аьралийтуран хъунмасса хайр-мюнпатну бацIлацIиссар.

Имара Саидова