Лакрал райондалийн даврил аьрххилий бувкIун бия ДР-лул Ишбажаранчишиврул ва инвестициярттал агентствалул каялувчинал маслихIатчи Шяпи Нураттинов, Ишбажаранчишиву хьхьичIуннай даврил отделданул консультант Жамалуттин Сафараьлиев.
Райондалул бакIчи Зураб Куччаевлул каялувшиндаралу администрациялул актовый залдануву хьунни кIанттул ижбажаранчитурал хъамаллуращалсса хьунабакьаву. Ваний ххал диргьунни республикалий ишбажаранчишиву хьхьичIуннай даврил ххуллий щурущи дурсса программарду.
Хасъсса къулагъас дурну дия цIусса техника ва матахI ласун паччахIлугърал итабакьлакьисса субсидиярттах.
Ишбажаранчитурал буллунни цала даврийн багьайсса суаллу булун экспертътурахьхьун.
Зураб Куччаевлул барчаллагь увкунни хъамаллурахь кIанттул ишбажаранчитуран лябуккулунсса хьунабакьаврихлу.
«ХIакьину хъинну аьркинну дур Федерал ва Республикалул программартту ишбажаранчитурачIан тIайланна диллай. Укунсса хьунабакьавурттайхчин ишбажаранчитуран кумаг хъанай бур ми программарттащал кIул хьун. Хъунмасса барчаллагь агентствалул зузалтран ва агьамсса даврихлу», – увкунни Зураб Куччаевлул.
Зулайхат Тахакьаева
