Вай гьантрай МахIачкъалалив «Дагестан» басмаханалий итабавкьунни лакрал машгьурсса чичу, шаэр, аьлимчу Абачара ХIусайнаевлул чивчусса «Бадрижат» тIисса лу. Абачара ХIусайнаевлул «Бадрижат» тIисса кьисса чивчуну бур 1967 шинал. Кьисса цакуну машгьур хьуссия лакрал миллатраву.

Хаснура ххуй дирзссар буккултран цила яхIгу, намусгу буруччин бювхъусса лаккудушнил ­аьнтсса хасият.
Кьисса оьрус мазрайн таржума бувну, итабавкьуну бивкIссар 1975 шинал Москавлив.
Дагъусттаннал литература, Абачарал творчество ххираминнаща редакциялийн бувкIун, ва лу ласун бюхъантIиссар бахшиш хIисаврай.

Имара Саидова