Сентябрьданул 19-нний Москавлив Аьрасатнал Федерациялул кьатIаллил билаятирттал иширттал министр Сергей Лавров хьунаавкьунни Дагъусттаннал бакIчи Сергей Меликовлущал. Вайннал ххал бивгьунни дунияллул халкьуннал дянивсса дахIавуртту лядуккаврил масъалартту.

Хьунабакьаврий Сергей Лавровлул Республикалул бакIчинан дуллунни «За вклад в международное сотрудничество» тIисса хъазамрай лачIайсса лишан. Награда дуллуну дур региондалул кьатIаллил уртакьтуращал машлул ва экономикалул, культуралул ва гуманитар дахIавуртту цIакь давриву хьун дурсса хьхьичIуннайшивурттахлу.
– Жун ччай бур жула хIала-гьурттушиву цIакь дуван Аьрасатнал МИД–рал наградалийну. Умуд бур ванил цахъисгу щаллу бантIишиврий вил авадансса коллекция. Жун хъинну тIааьнну бур вищал хIала-гьурттуну зун», – увкунни министрнал.
Сергей Меликовлул барчаллагь увкунни федерал идаралул каялувчинахь республикалух къулагъас даврихлу ва ваницIун кабакьаврихлу.
ХIадур бувссар ХI.Аьдиловлул