Сергей Меликовлул дагъусттанлувтурахь барча дунни КIулшивурттал кьини.

Аьзизсса дустал ! Барча дуллай ура зухь КIулшивурттал кьини ва цIусса дуккаврил шин дайдишаву! Сентябрьданул цалчинмур кьини – му ххарисса шадлугърал кьинир, муницIунна му дакI гьалак дуллалисса байранни. ХIакьину школалул бухкIулу лахъантIиссар 48 азарунниха ливчусса цалчинмур классрал оьрчIал.

Цайнува цивппасса оьрмулул хьхьичIсса махъра-махъмур ятIап хьун най дур выпускниктуралгу. КIулшивурттал махъва-махъмур шачIанттуйн лахъантIий ур гьарца дуклаки оьрчI, гьарца студент. Ххуйсса даражалул кIулшиву, дуккаврил шартIру ларай даву – му региондалул лябуккулул, аьмну билаятрал лябуккулул гужсса луртанни. Муниятуру жува хIарачат буллалисса, жула оьрчIан аьркинсса дуккаврил шартIру дузал дуллалисса. ХIакьину 14 цIусса школа 2 оьрчIал багъ тIитIлатIиссар, гьашинусса шинал ахирданийннин тIурча, пландалий бур уттигу тIитIин 600 оьрчIансса кIанттурду бусса 2 школа ва 250 кIану бусса 1 оьрчIал багъ. Школардал капитал ремонт, ми ттизаманнул аьркинлугърал дузал баву – ми гьармур дузал дуван бюхълай бур Дагъусттан гьуртту хъанай бунутIий «Молодежь и дети» ва «Семья» тIисса нацпроектирттаву.
ХIакьину партардах щябивкIминнан чIа тIий ура дуккаврихсса гъира. Зула мурадирттайн бияншиврул захIмат ххирасса ва зула мукъуй кьянкьану бацIайсса хьияра. ЛичIинува бюххансса барчаллагьрал махъру ва кьини увкунни педагогтурахь ва оьрчIал нитти-буттахь. Зуйн хъар хъанахъиссар оьрчIал хьхьичIуннайшивуртту ва ялун бучIантIимур, минная цукунсса инсантал буккантIиссарив ва цукунсса захIмат бишинтIиссарив республика ва щала билаят лябуккаврил иширттаву.
Цалчинмур классрал оьрчIан, выпускниктуран, студентътуран, дуклаки оьрчIан чIа тIий ура цIу-цIусса кIулшивурттайн кIункIу тIаву, ми кьянкьану лахьлахьаву, зула наставниктурал хIурмат баву ва барчаллагьрай бушиву.
Нитти-буттахъан ва педагогтуран – цIуллушиву, аькьилшиву ва оьрчIал хьхьичIуннайшивурттаясса ххаришиву! Ххуллухъин баннав!

Дагъусттаннал бакIчи
Сергей Меликов