«Ххуллулчу, агана ина ттул къушлийн къауххарча, вийн паранну дагьаннав!
Хъамаличу, агана ина ттул къушлил ххари къаарча, ттуйн паранну дагьаннав!»
Расул ХIамзатов

Чанссаннан бакъа къакIулли, Дагъусттан – зунттал билаят– цила лагрулух бурувгун, Арманинналгу, Эстонияналгу, Молдованалгу, хIатта Бельгияналгу, Данияналгу, Швейцарияналгу билаятирттаяр къачIивисса бушиву. Ккавкказуллал циняв республикарттавату Дагъусттаннал цIа дурккун дур чIявусса миллатру бушиврул ва ми ттуршрахъул шиннардий цачIу паракьатну ялапар хъанай бушиврул чулуха.Гьарца дагъусттанлувнан ххирассар захIмат буллан, цанмагу, жяматрангу мюнпатрансса, кIулссар мунил кьадру-кьиматгу. Дагъусттанлувтурал ният дур цала тIювардацIунсса хозяйствартту дуван ва думи гьарта-гьарза дуван, захIмат бишин ттинин ишла къадуллай бивкIсса аьрщарай. Масалдаран, МахIарамкантуллал райондалийсса Филя ва Бута шяраваллаву кунма, Гумбетуллал райондалийсса Килятлилив кунма, ЦIумадиял райондалийсса Сильди ва Аквари шяраваллаву кунма, Лакрал райондалийсса Буршиял шяраву кунма, Нугъайнал райондалийсса Терекли-Мектеблив кунма, Хайдакьуллал райондалийсса Урарив кунма, Ахттиял райондалийсса Хрюг шяраву кунма. Дагъусттаннай миллатирттал дянив хIасул хьусса ччимур масъала дузал байссар паракьатну, цанчирча ми масъалартту бачIвасса кIанай хIасул хьусса бикIай, ми жула миллатирттал пикри-зикрирдацIунсса къабикIай.Жула оьрмулуву хIасул шайсса масъалартту жува дузал бувару Дагъусттаннал цIа дурксса (каширду дусса) инсантурайхчил. Мукун къуццу тIий бур, масалдаран, Ахттиял, Гумбетуллал, Нугъайнал, Хайдакьуллал, Лакрал, ЦIумадиял районнаясса инсантал…
Сурхай ХIабибов