Февральданул 7-нний хьунни ДР-лул Халкьуннал Мажлисрал ирглий бакъасса 20-мур сессия. Сессиялий гьуртту хьунни ДР-лул Президентнал кIанайма Рамазан АьбдуллатIипов, Дагъусттаннал парламентрал депутатътал, исполнительный органнал, судирттал ва ихтиярду дуруччай органнал политикийсса партиярттал, жяматийсса организациярдал вакилтал ва СМИ-рдал каялувчитал.
Ххалбигьлай бия бувагу ца масъала – Дагъусттан Республикалул Халкьуннал Мажлисрал Председательнал хIакъиравусса.
Уттинин ДР-лул Халкьуннал Мажлисрал Председательнал къуллугърай ивкIсса МахIаммад-Султан МахIаммадов мурахас унни къуллугърая цува рязину. Ганая ливчIсса депутатнал мандат буллунни Хизри Шихсаидовлухьхьун.
Дагъусттаннал «Единая Россия» отделениялул республикалул парламентрал бакIчину хьхьичIун унни Хизри Шихсаидов, ганахлу чIурду буллунни 4 политикийсса партиялул.
Республикалул бакIчи Рамазан АьбдуллатIиповлул депутатътурахь тавакъю бунни Хизри Шихсаидовлухлу чIурду булун.
КьюлтIну чIурду булаврил хIасиллайну Хизри Шихсаидов увчIунни ДР-лул Халкьуннал Мажлисрал Председательну.
