Горно-Алтайск шагьрулул (Алтай Республика) Культура хьхьичIуннай даврил центрданий хьунни Аьрасатнал Культуралул министерствалул Координациялул советрал заседание. Шикку гьуртту хьунни Дагъусттан Республикалул культуралул министр Зарема Буттаевагу.

Аьрасатнал культуралул министр Ольга Любимовал каялувшиндаралу ва кьини билаятрал регионнал культуралул министртурал ва ва журалул идарарттал бакIчитурал ххал бивгьунни агьамсса масъалартту.
Хъуннасса къулагъас дия нацпроектру щаллу дуллалаврих, хаснуварив «Кулпат» тIимур нацпроектрах, «Пушкиннул карта» иширайну бартдигьлагьаврих (хIакьинусса кьини ва ишла дурну дур 12 миллиондалия ливчусса инсантурал), креатив индустриярттал школарду тIитIлатIаврих ва «Земский работник культуры» программалух.
Дурмуния тIий, Ольга Любимовал «Культура» нацпроект иширайну щаллу давриву хьхьичIунсса ккаккияртту чIалачIи дурсса 13 региондалул ведомстварттал каялувчитуран наградартту дуллунни, вайннавух – Зарема Буттаевангу.

Бадрижамал Аьлиева