Къумтуркъалаллал райондалий хъуцIурдищал талан ишла дуллай бур чIиримур авиация. Ва даву цукун най дурив ххал дуван, вай гьантрай давуртту щириркIусса кIанайн кIюрххила бувкIунни ДР-лул шяраваллил хозяйствалул министрнал цалчинма хъиривчу Шарип Шарипов ва «Россельхозцентр» ФГБУ-лул Дагъусттаннал филиалданул каялувчинал хъиривчу Альберт Черкесов.

Июньдалул кIилчинмур декадалул дайдихьулий республикалий хъацIру бухлаган байсса дарув бивщуну бур 21 азарда гектарданийх. ЧIяруми давуртту дурну дур ухссавнил чулийсса зоналий.
«ДР-лул Шяраваллил хозяйствалул министерствалий сакин бувну буссар ми давурттан хасъсса оператив штаб. Жул мурад бур хъацIру бухлаган баву ми лехлай байбишиннин», – тIий ур Шарип Шарипов.

ХIасан Аьдилов