Гьамиящиял 2-мур школалий «Цалчинминнал суккушиндарал» отделениялий хьу­нни патриот акция «Ххувшаврил Ттугъ». Буттал кIанттул цIанийсса Хъунмасса дяъвилий ларсъсса Ххувшаву тачIав дакIния къадуккаву мурадрай дуллалисса ва акциялул лагма лаган бунни мюрщи патриотътал. Акциялул лагрулий оьрчIан кIул хьунни Буттал кIанттул цIанийсса Хъун дяъвилий совет халкьуннал, миннавух дагъусттанлувтурал ккаккан дурсса чувшиврия, Ххувшаву ларсъсса вирттаврая.
Укунсса акциярдал хъунмасса бияла буссар цIанихсса жула тарих ябавриву, ялун нанисса ник Ватан ххирану тарбия шавриву.

Андриана Аьбдуллаева