Февраль зурул 12-нний Дагъусттаннал муфти, щайх АхIмад-хIажи Аьбдуллаев «Каспий» батальондалувасса, СВО-лий гьуртту хъанахъисса аьралитуращал хьунаавкьунни.

Ва хьунабакьаврий гьуртту хьунни Дагъусттаннал БакIчи Сергей Меликовлул кумагчи Саид Маматханов ва республикалул Халкьуннал маждисрал депутатъталгу. Депутатътуравух ия Марат Илиясовгу. Муфтиналгу, ванащалсса хъамаллуралгу кIицI лавгунни, «Каспий» батальондалул цумацагу талатала, Ватандалухсса ччаврил эбратну хъанахъишиву, вайннал СВО-лий гьуртту шаву так аьрали буржну ккалли къабувшивуча, Аьрасатнал мурадру буруччаврин, гъан-маччаминнан рахIатсса оьрму дузал баврин ккалли бувшиву.
ПатIимат Рамазанова