ЦIуминалийсса ЦIуссалакрал шяраву, «АхIмадхан» тIи­сса спортрал залдануву, хьунни Ватан дуруччайманал шинан хас дурсса акробатикалул республикалул турнир.
Ва сакин дурну дия 1-мур ДЮСШ-лул тренер-препо­даватель Анисат ХIусай­новал сипталий. Турнирданий гьуртту хьунни республикалул личIи-личIисса районнаясса ва шагьрурдаясса 7 команда, аьмну — 180 спортсмен. Яла чIивимур гьурттучи бия 4 шин хьусса.
Шикку ихтилатру бунни ЦIуссалакрал райондалул бакI­чинал хъиривчу Амир Султановлул, райондалул КIул­шивуртту дулаврил управлениялул хъунмур Светлана Кудаевал, оьрчIал нитти-буттал.
Ххув хьусса ва хьхьичIунсса кIанттурду бувгьусса оьрчIан буллунни кубокру, дипломру ва медаллу.
Андриана Аьбдуллаева