Къизлардай Росгвардиялул МахIачкъалаллал соединениялул аьралийтал гьуртту хьунни щалагу Аьрасатнаву нанисса «Блокадный хлеб» тIисса акциялуву. Батальондалул базалий хьусса мероприятиялий гьуртту хьунни Росгвардиялул профильный классирттал дуклаки оьрчIру, юнармейцы ва шагьрулул Л. Толстойл цIанийсса модельный библиотекалул зузалт.
Акциялул лагрулий гьурттучитурайх бавчIунни Ленинградуллал халкьуннан ца кьини буллай бивкIсса 125 гр. дусса ччатIул касакру.
ОьрчIал дурккунни дяъвилиясса назмурду, бувсунни Ленинградуллал халкьуннай бувсса зулмулия.
Батальондалул аьраличу прапорщик Анжела Абилиевал бувсунни дуклаки оьрчIахь лахIан бан къавхьусса Ленинградуллал халкьуннал чувшиврия.
Баян бунни минутIрайсса пахъ багьаву, лавхъунни хъамул чирахъру.
Мероприятиялул лагрулий хьунни «Ленинград – город мужества и славы» тIисса луттирдал выставка.
Андриана Аьбдуллаева