Жула региондалун 1,45 млрд личIи бантIий бур «Экономика данных и трансформация государственного управления» тIисса цIусса национал проектрал лагрулий. Муния бувсунни Дагъусттаннал Цифралул министерствалий.
Ми арцу жула региондалун личIи дантIий бур гьашину циняв школарду ва дянивмур даражалул профессионал дуккаврил учрежденияртту интернетрал сетьрал дузал баву мурадрай. Ми арцух мукунна ласун тIий бур ккаккияртту сахла дайсса серверду, вай-фай модульлу, видеонаблюдениялул камерарду ва цаймигу затру.
Дагъусттан национал проектравун буххан бувну бур региондалул школарду кьай-кьуйлул дузалшиндарал давуртту къуртал шавай дуну тIий ва мукунма Каспийскаллал цифралул форумрай АьФ-лул цифралул лябуккулул министр Макьсуд Щадаевлул ва Дагъусттан Республикалул бакIчи Сергей Меликовлул дянив хьусса машварарттайн бувну.
ДакIнин бутанну, 2022-ку шинал федерал субсидиярттал лагрулий 1310 школалий дурну диркIссар проектирдал ва изысканиярттал давуртту ва мукунма 81 школа дузал бувну бивкIссар интернет инфраструктуралул.
«Республикалий программа бартдигьаву хьунтIиссар дуккаврил иширттаву цифровизация лядуккаврил ва жула школардал дуклаки оьрчIан ттизаманнул дуккаву бигьа хьун давриву ца хьхьичIуннайшивуну», – увкунни Дагъусттаннал цифралул лябуккулул министр Юрий ХIамзатовлул.
ХIадур бувссар
ХI. Аьдиловлул
