Дагъусттаннал аграрийтурал гьан дунни хасъсса аьралий операция нанисса кIанттурдайн 35 тонна гуманитар кумаграл. Акциялуву гьурттушинна дунни ЦIуссалакрал райондалул шяраваллил хозяйствартталгу.
Аьралитурансса кумаграхлу вайннахь барчаллагь увкунни Дагъусттаннал бакIчи Сергей Меликовлул, ХIукуматрал председатель Аьбдулмуслим Аьбдулмуслимовлул. МахIачкъалаллал мэр Юсуп Умавовлул ва шяраваллил хозяйствалул министр Мухтарбий Аджековлул тIайла бувккунни гуманитар кумагращал аьрххилий нанисса МЧС-рал ва Шяраваллил хозяйствалул министерствалул зузалт. Кьай дишин кумаг бувна ЦIуссалакрал райондалул бакIчинал хъириву Макьсуд ХIамидовлул, Экономикалул, шяраваллил хозяйствалул ва госзакупкардал отделданул хъунаманал хъиривчу Камил МахIаммадовлул ва ишбажаранчитурал. КIицI лаган, ва кьини хасъсса аьралий операциялий жанну дуллуминнал кулпатирттайх бавчIунни 250 дука-хIачIанмур дирхьусса кьуцуртту.