Октябрьданул 25-нний ДР-лул ХIукуматрал председатель Аьбдулмуслим Аьбдулмуслимовлул шадлугърал мажлисрай наградартту дуллунни транспортрал, культуралул, искусствалул, мюхчаншиву дуруччаврил ххуллий хьхьичIуннайшивуртту дурсса зузалтран.
ДР-лул Транспортрал министерствалул чулухасса Барчаллагь баян бунни Совет Союзрал кIийла Виричу АхIмад-Хан Султаннул цIанийсса Ма­хIачкъалаллал аэропортрал хъу­нама директор Саэд Рамазановлун.
Республикалул культура ва искусства хьхьичIуннай давриву бивхьусса захIматрахлу ХIукуматрал чулухасса наградарттан лайкь хьунни Дагъус­ттаннал Опералул ва балетрал театрданул зузалт: хорданул артист Артур Апкарян, художник-декоратор Зухра Буттаева, хъунмур администратор Заира Маннарова ва симфонический оркестрданул артистка Светлана Жукова.ДР-лул ХIукуматрал чулуха­сса наградарттан лайкь хьунни Аьрасатнал Художниктурал союзрал Дагъусттаннайсса отделениялул члентал Раиса Багаева, ХIабибуллагь ХIабибуллаев ва Закарья Закарьяев, Аь. Тахо-Годил цIанийсса Национал музейрал хьхьичIунмур пишакар Малика Кьурбанова, Расул ХIамзатовлул цIанийсса Национал библиотекалул отделданул заведующий Умияханум МахIаммадова.

Имара Саидова