Октябрьданул 2-нний МахIачкъалаллал футболданул команда «Динамо» дуклай дия Самараллал «Крылья Советов» командалущал Аьрасатнал Кубокрал 5-мур турданул хъамаллурачIасса тIуркIулий.

Цалчинмур тайм къуртал хьусса чIумал Самардал команда 3: 0 счетрай хьхьичI дия. КIилчинмур таймрай счет архIал дацIан дан бювхъуна. Яла, ХIамид Агъаларовлул дубль ва Абакар ХIажиевлул гол сававну, «Динамолуща» бювхъуна тIуркIу пенальтилийн буцин. Микку тIайлабацIу хьуна муттаэтурал командалун – 5: 3.

ХI. Аьдилов