МахIачкъалалив ялу-ялун чIяру хъанай дур капремонтрал программалул лагрулий дакьин дуллалисса къатри. Цаппара чIяру зивурду дусса къатраву дакьин дантIиссар магъив, инженер сетьру ва къатрал лажин чуллу.
Масала, Имам Шамиллул цIанийсса кучалийсса 10 «б» къатраву (вай къатран 50 шин хьуну дур) дуллай бур хъуннасса лагрулул давуртту. Даххана дуллай бур магъив, цIу дуккан дуллай бур къатрал лажин чуллу ва инженер-коммунал система. МуницIун, бакьин бантIий бур лувчIинниялугу.
Шикку ялапар хъанахъиминнан дузал хьун тIий дур ттизаманнул стандартирттайсса шартIру. ООО «Мегаполис» подрядный организациялул вакилтурал бусласимунийн бувну, июнь зуруй дайдирхьусса циняр давуртту щаллу дурссар сентябрь зуруйнин.
– Ххарину буру жува ялапар хъанахъисса къатри дакьин дуллай тIий. НукIура аьркинну дия къатрал магъив даххана дан, лажин чуллу ва коммуникациярду цIу дуккан дан. Щак бакъар, вай давуртту дурну махъ, жува ттизаманнул шартIирдай ялапар хъанантIишиврий, – тIий бур къатраву ялапар хъанахъими.
ДакIнин бутан, сентябрь зуруйнин МахIачкъалалив дакьин дурну къуртал дурссар цаймигу къатри – И. Шамиллул цIанийсса кучалийсса 68 «б» ва 45 «б» къатраву дакьин дантIиссар магъив, электричествалул система ва лажин чуллу.
Андриана Аьбдуллаева
