25 шинал хьхьичI, 1999 шинал, хар-хавар бакъа ЦIуссалакрал райондалийн дунияллул террористътурал кьюкьри ххярхсса тарихрал иширан хасну кказитрай рирщусса язиязими макьалартту.

Ца уголовный делолун ккалли дурсса му делолуву кIай ялув кIицI ларгсса преступлениярттаву гьуртту хьушиврийн щак бумину жавабрайн кIункIу буллай бур:
— Туммяшев Фархад, 1981 шинал увсса, ш. Душанбай, миллат узбек. Щак буссар ЦIумадиял райондалий ОМОНдалийн ярагъ кIунттихьну ххяххавриву гьуртту хьушиврийн. Цалва бусласимунийн бувну, боевиктурал кьюкьлуву ханнакьру дуккавриву ва цайми давурттаву гьуртту хьура тIар. Ва жагьилсса узбек Дагъусттаннай, цувагу га яла цIу кIириний, ци дуллай ивкIссарив кIул банссар компетентнийсса органнал.
— Маллачиев Аьбдулла, 1978 шинал увсса, РутIуллал райондалийсса ЦIахъюр тIисса шяравасса, увгьуну ур 11.08.99 ш. КIулну бур 1999 шинал 2 зуруй Чачаннаву хасъсса хIадур бай лагерьданий ивкIшиву. УвгьуманачIа ляркъуну дур диндалул литература, минноподрывной ва диверсияртту даврил даву лахьхьайсса конспектру, миннуйгу дусса личIиличIисса битай ярагъуннил, бронетехникалул суратру, миннул техникийсса характеристика, мукунна лур­кIанну, разведка, минирование даврил методирттаясса чичрурду.
— Аьшиков Шамил, 1971 шинал ув­сса, Гъуниннал райондалийсса Шулани шяраватусса. 1997 шинал ссуттил лавгун, уттинин ивкIун ур Серженьюрт ва Ведено шяра­валлачIасса Хаттаблул лагердай. Таржумачину ивкIра тIар. Боевиктуращал радиосвязь дишин ЦIумадиял райондалий репитер цIакь дуллай ивкIун ур.
Ва уголовный дело дачин дан сакин бувну бур следственнооперативная группа, мунивун бухлай бур ДРлийсса РФлул УФСБлул, ДРлул МВДлул ва ДРлул Прокуратуралул опыт бусса зузалт. Миннал щаллуну, гьарца чулуха объективныйну кIул бантIиссар вайгу, цаймигу кIай ялув кIицI ларгсса преступлениярттаву гьуртту хьушиву ягу къавхьушиву.
ДР-лийсса АьФ-лул
УФСБ-лул жяматращалсса дахIаву щаллу даврил группа
№34 «Илчи», 1999 ш.